Биографија

Ведран Лаличиќ

Ведран Лаличиќ е роден и живее во Скопје. Своето стручно образование го оствари при Правниот факултет во Скопје – Јустинијан Први, по што магистрираше на отсекот деловно право на темата „Современи позитивно правни тенденции во работењето на трговските друштва во Република Македонија“.

Неговото работно искуство опфаќа работа во адвокатурата, нотаријатот, приватниот и јавниот сектор. Во текот на своето работење е инволвиран во различни проекти и правни работи од областа на граѓанското и деловното право, каде се стекна со искуство во давање на правна и консултантска подршка на деловните субјекти и физичките лица, изготвување и анализа на правна документација, како и застапување на своите клиенти пред надлежните судови и органи.

Работејќи во нотаријатот, се стекна со стручна подготовка за советување околу имотно – правните прашања, како и сите специфичности околу составување на договори за пренос, поделба, располагање и ограничување на недвижностите, движните ствари и правата.  Работејќи во областа на приватниот и јавниот сектор, поседува искуство во однос на практичното функционирање на компаниите и јавните претпријатија.