Интелектуална сопственост

Во Северна Македонија, правата на интелектуална сопственост се регулирани во согласност со Законот за индустриска сопственост.

Во согласност со овој закон, определено е дека права на индустриска сопственост се патент, индустриски дизајн, трговска марка, назначување на потеклото и географски индикации.

Законот предвидува дека патентот се користи за заштита на пронајдокот. Индустрискиот дизајн се користи за заштита на нови форми на сликата, цртежот, контурата, составот на боите или нивната комбинација – дизајн. Трговската марка како заштитен знак се користи за заштита на трговски знаци кои визуелно можат да бидат прикажани. Ознаката на потеклото и географската ознака се користат за заштита на географското име.

Понатаму, во согласност со овој закон, субјекти со права од индустриска сопственост се домашни и странски правни и физички лица. Странските правни и физички лица уживаат исти права како националните правни и физички лица, во согласност со овој закон, во однос на заштитата на правата од индустриска сопственост во Република Северна Македонија, под услов тоа да е во согласност со меѓународни договори и конвенции или од примена на принципот на реципроцитет.

Работите во врска со стекнувањето и заштитата на правата од индустриска сопственост ги извршува Државниот завод за индустриска сопственост. Пред заводот може да се поднесе пријава за регистрација на некое од горенаведените права или пак доколку определено лице поднело пријава, може да се поднесе и приговор за употреба на знак кој е сличен или идентичен со претходно регистрирано право на интелектулна сопственост.