Конкретно, инспекциските контроли во 2023 година покажуваат засилена активност во текот на целата година со вкупен број на извршени даночни контроли од над 2036 од кои 1080 се со констатирани неправилности. Од друга страна, евидентирани се 6086 надворешни контроли од кои 2534 се со неправилности, односно околу 42%.

Во однос на ова треба да се има предвид дека во 2023та година имаме 120.701 регистрирано правно лице од кое 41.700 е регистрирано како ДДВ обврзник.

Државата а и останатите учесници во стопанството со помош на овие статистики може да ги идентификуваат трендови и модели во даночните обврски на компаниите, што помага во креирањето политики кои го поддржуваат развојот на одржлива и конкурентна бизнис средина. Така, статистиката служи како основа за стратегиско планирање и за јакнење на законодавната рамка за борба против сивата економија и избегнувањето на данок.

Во крајна линија, улогата на Управата за јавни приходи преку инспекциски контроли е да заштити интересите на државата и граѓаните, подигајќи го нивото на одговорност и интегритет меѓу даночните обврзници. Инспекциските контроли се витален инструмент за градење на силна и транспарентна економија, и затоа е од суштинско значење секоја компанија да ги разбере и почитува своите обврски кон даночната администрација.

Со одржување на висок стандард на даночна дисциплина и одговорно управување со даночните обврски, правните лица придонесуваат кон стабилноста и напредокот на македонската економија, истовремено ја чуваат својата репутација и осигуруваат долгорочна одржливост на својот бизнис.

Инспекциските контроли се важен сегмент во даночната администрација на државата, со крајна цел да се зајакне веродостојноста на даночниот систем. Ова претставува еден од столбовите на стабилната економија која овозможува раст и развој, поттикнувајќи ја бизнис заедницата на континуирано подобрување и почитување на законите.

Статистиката која е опфатена со овој блог може да ја проверите тука