Писмените договори се начин преку кој договорните страни ќе го гаранатираат остварувањето на предвидените цели и интереси. Правилно и сеопфатно составениот договор или правно дело ќе овозможи долготрајно одржување и развој на граѓанскиот или деловниот однос на договорните страни.

Од друга страна, пропуштањето определен договор или правно дело да биде составен од лице кое нема доволна експертиза, како и пропуштањето определен иден договор да не биде анализиран од стручно лице, во секојдневието предизвикува штетни последици за едната или обете договорни страни.

Од оваа причина, сеопфатност и максимална заштита на договарачите при состав и анализа на договори е нужна во секоја зделка со цел долгорочен деловен или друг вид облигационен однос. Доколку самиот договор е правилно составен или добро разбран затоа што е сеопфатно анализиран, странките ќе бидат во можност да избегнат долги и скапи судски постапки.